Լոնդոնում մեկնարկել է Ուկրաինայի հարցով գագաթնաժողովը

Լոնդոնում մեկնարկել է Ուկրաինայով հարցով գագաթնաժողովը։ Միջոցառմանը մասնակցում են եվրոպական մի շարք երկրների ղեկավարներ, այդ թվում Ֆրանսիայի նախագահ Էմանուել Մակրոնը։ Սպասվում է, որ հանդիպմանը կմասնակցեն Թուրքիայի արտգործնախարար Հաքան Ֆիդանը, ՆԱՏՕ-ի գլխավոր քարտուղար Մարկ Ռյուտեն, Եվրահանձնաժողովի նախագահ Ուրսուլա ֆոն դեր Լեյենը և Եվրոպական խորհրդի նախագահ Անտոնիու Կոշտան։

Գագաթնաժողովը նախաձեռնել է Մեծ Բրիտանիայի վարչապետ Քիր Սթարմերը։

Եվրոպացի առաջնորդների հանդիպումն ընթանում է Ուկրաինայի նախագահ Վլադիմիր Զելենսկու և ԱՄՆ նախագահ Դոնալդ Թրամփի միջև ձախողված բանակցությունների ֆոնին։