Ո՞ւր է ամերիկյան խումբը, որ սահմանային հարցերով պիտի գար Հայաստան. հարց՝ ԱԳ փոխնախարարին

«ԱՄՆ-ի հետ պայմանավորվածություն կար, որ պետք է ստուգող խումբ գար և սահմանային վերահսկողություն իրականացներ, ինչո՞ւ են ուշանում, մեկ շաբաթվա ընթացքում պիտի գային»,– լրագրողը նման հարց ուղղեց ԱԳ փոխնախարար Պարույր Հովհաննիսյանին։

«Ժամկետային առումով, հաշվի առեք, որ փոփոխվել է ամբողջ ադմինիստրացիան»,– ասաց նա։

Ճշտող հարցին, թե արդյոք հայկական կողմը քննարկում է այդ հարցը Իրանի հետ և համաձայնության չեն եկել, Հովհաննիսյանը պատասխանեց․ «Այո, քննարկում ենք այդ հարցը, չեմ թաքցնում։ Բոլոր հարցերի հետ կապված համաձայնություն կա։ Գործընթացն իր հունով անցնում է»,– ասաց նա։

ԱՄՆ-Հայաստան ռազմավարական գործընկերության փաստաթղթի շրջանակներում, որը ստորագրվել էր դեռևս Բայդենի վարչակազմի հետ, կար դրույթ այն մասին, որ «ԱՄՆ-ն առաջիկա շաբաթների ընթացքում փորձագիտական խումբ է ուղարկելու Հայաստան՝ սահմանային անվտանգության հարցերով օգնելու համար»։