Ֆուտբոլային 9 երկրպագուների նկատմամբ քրեական վարույթ է հարուցվել. ՔԿ

Ֆուտբոլային 9 երկրպագուները ձերբակալվել են 72 ժամով։ Այս մասին հայտնեցին Քննչական կոմիտեից։

 

Նախաձեռնվել է քրեական վարույթ խուլիգանության հոդվածի հատկանիշներով։

Ավելի վաղ, երկրպագուական «Առաջին հայկական ճակատ» շարժման անդամները հայտարարությամբ էին հանդես եկել․ «Տեղեկացնում ենք, որ ՀՊԼ «Փյունիկ»-«Արարատ-Արմենիա» հանդիպման ժամանակ նախապես հայտարարված և խաղաղ՝ ՀՖՖ ղեկավարության հրաժարականի պահանջով ակցիայի ժամանակ ՀՀ ոստիկանության բռնի և ոչ համաչափ ուժի կիրառման արդյունքում ձերբակալվել են հայկական ֆուտբոլի 9 նվիրյալ երկրպագուներ»։