Այսօր՝ Ալեքսանդր Մանթաշյանցի ծննդյան օրը, նշվում է Գործարարի օրը․ Դավիթ Գրիգորյան
Այսօր՝ Ալեքսանդր Մանթաշյանցի ծննդյան օրը, նշվում է Գործարարի օրը, և ես ցանկանում եմ շնորհավորել բոլոր նրանց, ովքեր ստեղծում են, կառուցում են, ու տալիս աշխարհին նոր հնարավորություններ։ Այս մասին Ֆեյսբուքի իր էջում գրել է գործարար Դավիթ Գրիգորյանը։
«Մի մարդ ցանկանում էր հասկանալ հաջողության գաղտնիքը։ Նա այցելեց մի իմաստունի, որը մեծ գործարար էր և հարստության ու իմաստության խորհրդանիշ։
- Ուսուցի՛չ, - հարցրեց նա, - ո՞րն է այն օրենքը, որը մարդուն հաջողության է հասցնում։
Իմաստունը տարավ նրան մի շինհրապարակ, որտեղ բարձրանում էր մեծ մի կառույց։
- Տեսնո՞ւմ ես այդ քարերը, - հարցրեց նա, - յուրաքանչյուր քարի տակ թաքնված գաղտնիք կա։ Մի քանիսը կարծես մանր քարեր են, բայց հենց նրանք են պահում ամբողջ կառույցը։ Եթե հանես դրանցից մեկը, ամբողջ պատը կարող է փլվել։
- Բայց ինչպե՞ս իմանալ, թե որ քարն ինչ դեր ունի, - հարցրեց մարդը։
- Այն, ինչ փնտրում ես, թաքնված է ոչ թե քարերի մեջ, այլ նրանց դասավորության կարգի։
Ամեն գործարարի կյանքի մեջ կան այսպիսի «քարեր»՝ հարաբերություններ, գաղափարներ, արժեքներ։ Եթե ուզում ես հաջողության հասնել, պետք է ճանաչես քո հիմքերը, և ամեն գործողություն կառուցես դրանց վրա։
Եվ այո, գործարարությունը դա շինարարություն է, որտեղ ամեն քար պիտի լինի իր տեղում, ամեն որոշում՝ հենված արժեքների,փորձի ու իմաստության վրա:
Այսօր ուզում եմ մաղթել բոլոր գործարարներին, որ իրենց «կառուցած բոլոր կառույցները» ամուր լինեն, նրանց արժեքները՝ անսասան, իսկ ճշմարտությունը ուղեկցի իրենց ճանապարհին։ Թող ձեր գործն ունենա հոգի, իմաստ և նպատակ։
Շնորհավոր ձեր տոնը, արարող մարդիկ»,– գրել է նա։
Հիշեցնենք, որ 2017 թվականից՝ կառավարության որոշմամբ (Կարեն Կարապետյանի վարչապետության օրոք)՝ Հայաստանում մարտի 3-ը նշվում է որպես «Գործարարի օր»։
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
