Վենսը ընտանիքին «գաղտնի վայր» է տեղափոխել ակտիվիստների հետ բախումից հետո․ NYP (տեսանյութ)

ԱՄՆ փոխնախագահ Վենսը ստիպված է եղել իր ընտանիքին տեղափոխել «անհայտ վայր»՝ Վերմոնտ նահանգի լեռնադահուկային հանգստավայրում ընտանեկան հանգստի ժամանակ ուկրաինամետ ցուցարարների հետ բախումից հետո, հաղորդում է The New York Post-ը:

Ցուցարարների պաստառներին կարելի էր տեսնել «Թրամփը ծառայում է Պուտինին», «ազգային խայտառակություն» գրությունները։

Ինչպես հայտնել է Fox News-ը, Վենսը նախապես պլանավորել էր մնալ հանգստավայրի հարեւանությամբ գտնվող չորսաստղանի հյուրանոցում, սակայն հետագայում փոխել է բնակության վայրը:

Հեռուստաալիքի աղբյուրը պատմել է, որ այդ որոշումը կայացվել է դեռ բողոքի ակցիաների սկսվելուց առաջ:

Վենսի բախումը ուկրաինամետ ակտիվիստների հետ տեղի է ունեցել Սպիտակ տանը Ուկրաինայի նախագահ Վլադիմիր Զելենսկու հետ նրա հրապարակային լեզվակռվից անմիջապես հետո: