«Մեր երկրպագուներն արժանի չեն նման վերաբերմունքի». Հրայր Մկոյանը կոչ է արել ազատ արձակել ձերբակալված երկրպագուներին

Գյումրիի «Շիրակի» ավագ Հրայր Մկոյանը կոչ է արել ազատ արձակել հայկական ֆուտբոլի երկրագուներին։

«Որպես Հայաստանի ազգային հավաքականի նախկին ֆուտբոլիստ, որպես Գյումրու «Շիրակի» ավագ` թիմակիցներիս անունից կոչ եմ անում ազատ արձակել այս պահին ձերբակալված երկրպագուներին։

Մեր երկրպագուներն արժանի չեն նման վերաբերմունքի, ֆուտբոլն, առաջին հերթին, նրանցն է, ֆուտբոլ խաղացել ենք և խաղում ենք նրանց համար։ Լիահույս եմ, որ այս կոչին կմիանան նաև մյուս թիմերի խաղացողները»,- հայտարարել է Մկոյանը։

Հիշեցնենք՝ այս պահին ֆուտբոլային 9 երկրպագու է ձերբակալված։

Ֆուտբոլասերները, պահանջելով Հայաստանի ֆուտբոլի ֆեդերացիայի նախագահի հրաժարականը, մի քանի օր խափանում էին ակումբային հանդիպումները։

«Վան» - «Ալաշկերտ» խաղում, այնուհետև՝ «Փյունիկ» - «Արարատ» - «Արմենիա» խաղում երկրպագուները բազմագույն բոցավառումներով վանկարկում էին՝ «հեռացիր»։