Բժիշկները հայտնաբերել են մի մթերք, որը լավացնում է տեսողությունը և ամրացնում արյունատար անոթները. ինչու արժե այն ավելացնել սննդակարգում

«Ապրիր առողջ» ծրագրում։ Հաղորդավար Ելենա Մալիշևան և նրա փորձագետների թիմն առանձնացրել են մաշկի, արյան անոթների և տեսողության համար օգտակար մթերք՝ դեղին բուլղարական պղպեղ։

Ելենա Մալիշեւան ընդգծել է, որ հենց պղպեղի դեղին գույնն է կարեւոր։ Այս բանջարեղենի 100 գրամը պարունակում է վիտամին C-ի օրական երեք նորմա։

Պղպեղի երկու տեսակ կա՝ «իգական» և «արական»։ Առաջինն ունի չորս խցիկ, երկրորդը՝ երեք։ Ակնաբույժ Միխայիլ Կոնովալովը նշեց, որ «կանացի» պղպեղն ավելի նուրբ համ ունի, իսկ «արական» պղպեղը՝ ավելի կոպիտ։

Ելենա Մալիշևան ընդգծել է, որ թարմ դեղին պղպեղը պարունակում է վիտամին C-ի երեք օրական նորմա՝ անկախ դրա «սեռից»։ Հետաքրքիր փաստ՝ պղպեղը բաց վիճակում կտրատելու և սառեցնելու դեպքում վիտամին C-ի կոնցենտրացիան տասնապատիկ ավելանում է՝ հասնելով օրական 30 նորմայի։

Օգուտներ մարմնի համար

Վիտամին C-ն կարևոր դեր է խաղում արյան անոթների առաձգականության պահպանման գործում։ Սրտաբան Հերման Գանդելմանը բացատրել է, որ երբ թերություն կա, արյունատար անոթները դառնում են փխրուն, ինչը հանգեցնում է լնդերի արյունահոսության և այլ խնդիրների։

Վիտամին C-ն անհրաժեշտ է նաև մաշկի երանգը պահպանելու համար։ Իմունոլոգ Անդրեյ Պրոդեուսն ասել է, որ կնճիռներն առաջանում են տարիքի հետ, քանի որ կոլագենի և էլաստինի սինթեզը նվազում է։ Իրենց մարմնում վիտամին C-ի բարձր մակարդակ ունեցող մարդիկ ավելի ամուր մաշկ ունեն և ավելի քիչ կնճիռներ:

Բացի այդ, վիտամին C-ն կարևոր է տեսողության համար։ Կոնովալովը նշել է, որ աչքի ոսպնյակի պղտորումը կամ կատարակտը կարող են կապված լինել արյան մեջ վիտամին C-ի ցածր մակարդակի հետ։ Ուսումնասիրությունները ցույց են տվել, որ երբ պլազմայում վիտամին C-ի մակարդակը 48 մմոլից ցածր է, կատարակտի վտանգը մեծանում է 64%-ով:

Թարգմանությունը՝ Մանուել Թամազյանի