Թռչնագրիպի վիրուսը կարող է գոյատևել պանրի մեջ. Պարզել են գիտնականները

Կոռնելի համալսարանի գիտնականները պարզել են, որ HPA1 H5N1 թռչնագրիպի վիրուսը կարող է «գոյատեւել» հում կաթից պանիր արտադրելու գործընթացը:

Գիտնականները բացատրել են, որ ԱՄՆ որոշ նահանգներ արգելել են հում (չպաստերիզացված) կաթի վաճառքը։ Սակայն 1949 թվականից թույլատրվում է վաճառել դրանից պատրաստված պանիրներ՝ պայմանով, որ դրանք հնեցվեն առնվազն 60 օր։ Այս ժամանակահատվածում արտադրվում են բնական թթուներ և ֆերմենտներ, որոնք, ինչպես ենթադրվում է, ոչնչացնում են պաթոգեն միկրոօրգանիզմները:

Ստուգելու համար, թե արդյոք կաթի օքսիդացումը կարող է ապաակտիվացնել թռչնագրիպի վիրուսը, գիտնականները պատրաստել են մինի պանիրների մի քանի տարբերակ և դրանցում ավելացնել H5N1: Պանիրներն արտադրվել են երեք pH (թթվայնության) մակարդակներում՝ նվազագույն թթվայինից (6.6) մինչև ամենաթթվային (5.0):

Հետազոտողները այնուհետև պանրի հատիկներ են ներմուծել բեղմնավորված հավի ձվերի մեջ՝ տեսնելու, թե որքան ժամանակ կարող է վիրուսը գոյատևել և վարակ առաջացնել: Վիրուսի մակարդակը բարձր է մնացել առաջին յոթ օրվա ընթացքում, այնուհետև նվազել է ամենաքիչ թթվային երկու պանիրներում: Վիրուսը վարակիչ մնաց երկամսյա ժամանակահատվածում, սակայն ավելի ուշ ամենաբարձր թթվայնությամբ (pH 5.0) պանրի մեջ բոլոր վիրուսային մասնիկները վերացան:

«Մեր ուսումնասիրությունը ցույց է տալիս, որ HPA1 H5N1 վիրուսը ուշագրավ կայունություն է ցուցաբերում պանրի պատրաստման գործընթացում»,- նշել են հեղինակները։

Նրանք ենթադրում էին, որ հում կաթի պանրի թթվայնության բարձրացումը կարող է ավելի անվտանգ դարձնել այն ուտելը:

Մեկնաբանելով ուսումնասիրության արդյունքները, առողջապահության նախարար Ռոբերտ Քենեդի կրտսերը ասաց, որ սննդամթերքը վտանգ չի ներկայացնում թռչնագրիպի վարակի համատեքստում:

«Հիվանդությունը սննդի միջոցով չի փոխանցվում, ուստի ձու, կաթ կամ կենդանական միս ուտելուց հետո հնարավոր չէ վարակվել»,- նշեց նախարարը։

Թարգմանությունը՝ Մանուել Թամազյանի