ՔՊ-ականներն ուսանողներին ու աշակերտներին ներկայացրել են արտաքին քաղաքականության առաջնահերթությունները

Նախորդ շաբաթ «Բաց դաս» ծրագրի շրջանակում խորհրդարան են այցելել Հայաստանի մարզերի եւ Երեւանի մի շարք ուսումնական հաստատությունների ներկայացուցիչներ, հայտնում են ԱԺ լրատվական բաժնից։

ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը հյուրընկալել է Երեւանի Աշոտ Ղուլյանի (Բեկորի) անվան ավիամոդելավորման դպրոցի մի խումբ աշակերտների եւ ուսուցիչների։

Երեւանի թիվ 110 հիմնական դպրոցի աշակերտներին ու ուսուցիչներին ընդունել են պատգամավորներ Մարինա Ղազարյանը եւ Նարեկ Գրիգորյանը։ Մարինա Ղազարյանը հանդիպել եւ զրուցել է նաեւ Արարատի մարզի Եղեգնավանի միջնակարգ դպրոցի աշակերտների եւ ուսուցիչների հետ։

Խորհրդարանական Լիլիթ Մինասյանը հյուրընկալել է Երեւանի թիվ 159 ավագ դպրոցի ներկայացուցիչներին։

Պատգամավորը նաեւ ընդունել է ԵՊՀ միջազգային հարաբերությունների ֆակուլտետի մի խումբ ուսանողների:

Երեւանի Միքայել Նալբանդյանի անվան թիվ 33 հիմնական դպրոցի սաներին հանդիպել են պատգամավորներ Գայանե Եղիազարյանը եւ Հռիփսիմե Գրիգորյանը:

Խորհրդարանական Նարեկ Գրիգորյանը հյուրընկալել է Գեղարքունիքի մարզի Գավառի Հովհաննես Թումանյանի անվան թիվ 3 հիմնական դպրոցի աշակերտներին եւ ուսուցիչներին։

«Սի Այ Էս Հայաստան» միջազգային կրթահամալիրի աշակերտներն ու ուսուցիչները հանդիպել են պատգամավոր Մերի Գալստյանի հետ։

Խորհրդարանական Արմենուհի Ղազարյանը պատասխանել է Երեւանի Ամենայն Հայոց Կաթողիկոս Վազգեն Առաջինի անվան թիվ 168 հիմնական դպրոցի սաների հարցերին։

Արարատի մարզի Այգավանի Գառնիկ Ղուկասյանի անվան միջնակարգ դպրոցի աշակերտներն ու ուսուցիչները հյուրընկալվել են պատգամավոր Ալխաս Ղազարյանին։

Խորհրդարանական Հասմիկ Հակոբյանը հանդիպել է Գավառի Ավետիք Իսահակյանի անվան թիվ 4 հիմնական դպրոցի մի խումբ աշակերտների հետ:

ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանի հետ զրուցել են ԵՊՀ միջազգային հարաբերությունների ֆակուլտետի մի խումբ ուսանողներ:

Պատգամավորները խորհրդարան այցելած հյուրերին ներկայացրել են օրենսդիր մարմնի գործառույթները, անդրադարձել Հայաստանի ներքաղաքական խնդիրներին, արտաքին քաղաքականության առաջնահերթություններին:

Հանդիպումների ընթացքում անդրադարձ է կատարվել նաեւ դպրոցներում մշակութային միջոցառումների կազմակերպմանը, կրթական բարեփոխումներին։

Հյուրերը եղել են օրենսդիր մարմնի գրադարանում եւ թանգարանում: