Ես Սերժ Սարգսյանին պատասխանում եմ 2018թ․ ապրիլի 23-ի իր խոսքերով՝ Նիկոլ Փաշինյանը ճիշտ էր, ես սխալվեցի. Ռուբեն Ռուբինյան

Մեր ընդդիմությունը և, առաջին հերթին, նախկին, այսպես կոչված, նախագահների կողմից ղեկավարվող ընդդիմությունը, ամեն ինչ արել է և շարունակում է անել ընդդեմ Հայաստանի ինքնիշխանության, անվտանգության, ժողովրդավարության. լրագրողների հետ ճեպազրույցին հայտարարեց ԱԺ փոխնախագահ Ռուբեն Ռուբինյանը՝ անդրադառնալով ՀՀԿ-ի հայտարարությանը, որ «հրամայական է կապիտուլյանտ իշխանություններից օր առաջ ազատվելը»։

Անդրադառնալով երրորդ նախագահ, ՀՀԿ նախագահ Սերժ Սարգսյանի երեկվա ելույթին, որը 2018թ. իրադարձությունների մասին խոսելիս ասել էր, թե «ժողովուրդը նախրի մեջից էշի ճակատն է համբուրել», ասաց.  «Գայթակղությունը մեծ է՝ էշի հետ կապված այլ պատկերավոր համեմատություններ անելու, մասնավորապես, երբ մարդիկ անիմաստ խոսում են, գիտեք՝ ժողովուրդը ոնց է անվանում։ Բայց ես չեմ իջնի այդ դաշտ։ Իսկ, ընդհանրապես, ես Սերժ Սարգսյանին պատասխանում եմ 2018թ․ ապրիլի 23-ի իր խոսքերով՝ Նիկոլ Փաշինյանը ճիշտ էր, ես սխալվեցի։ Հետևաբար, ժողովրդի ասած, «էշ-էշ» խոսելու պահն է»։

Ռուբինայնը պնդեց, որ իշխանությունից հեռանալու ճանապարհը տալիս է ժողովուրդը՝ ընտրություների ժամանակ․ «2026-ին կլինեն ընտրություններ և ժողովուրդը կտա այդ հարցի պատասխանը»։