Քչերը գիտեն, որ քաղաքի կենտրոնից ոտքով Ծիծեռնակաբերդի հուշահամալիր քայլելը ևս խորհուրդ ունի. Վարդանյան

ԱԺ «Հայաստան» խմբակցության պատգամավոր Քրիստինե Վարդանյանը գրել․ է.

«Քչերը գիտեն, որ ոտքով՝ քաղաքի կենտրոնից Ծիծեռնակաբերդի հուշահամալիր քայլելը ևս իր մեջ խորհուրդ ունի։

Դա յուրատեսակ հարգանքի տուրք է գաղթի ճանապարհով անցած մեր բոլոր հայրենակիցների, մեր նախնիների հիշատակին։

Թեև հայկական պետության մայրաքաղաքում անգամ ամենաերկար ճանապարհը ոտքով անցնելը որևէ կերպ համեմատելի չէ Դեր Զորի գաղթի ճանապարհի, կամ Արցախի բռնի տեղահանության հետ, սակայն խորհուրդն այն է, որ այդ ճանապարհն անցնողները՝ դուրս գալով սեփական հարմարավետության գոտուց, տարբեր՝ հաճախ անբարենպաստ եղանակային պայմաններում, անձրևի, երբեն ձյան տակ անցնելով դեպի Ծիծեռնակաբերդ տանող ճանապարհը, կարող են պատկերացնել, թե ինչերի միջով են ստիպված եղել անցնել մեր հայրենակիցները։

Կարծում եմ, որ այս տարի ևս եղանակային պայմանները չպետք է խանգարեն հարգանքի մեր տուրքը մատուցելուն»։