«Տարանջատվող» ընդդիմադիրնե՛ր, անիմաստ բանավեճերին վե՛րջ տվեք․ Րաֆֆի Ասլանյան

Երևանի նախկին դատախազ, փաստաբան Րաֆֆի Ասլանյանը ֆեյսբուքյան էջում գրել է․ «Հարգելի՛ «տարանջատվող» ընդդիմադիր քաղաքական գործիչներ և նրանց համախոհնե’ր, նվիրյալնե’ր, արդեն հոգնեցինք․ «Նիկոլին ո՞վ բերեց իշխանության» կամ «ո՞վ նրան տվեց իշխանությունը» կամ «ո՞վ է շահագրգիռ նրան իշխանության պահելու» հարցադրումների փոխարեն նախ Նիկոլին հեռացրե՛ք իշխանությունից, իսկ ես խոստանում եմ՝ հետագայում մի քանի հիմնավոր փաստեր հրապարակել, որոնցից յուրաքանչյուրդ կարող է իրավաչափ հետևության հանգել Նիկոլի՝ ընդդիմադիր գործունեության, իշխանության գալու, «հեղափոխություն» կոչված ֆարսի և այլ հանգամանքների վերաբերյալ։

 

Մի’ վերածվեք պատվերով, անձնական շահով խոսողների, հավատացե՛ք՝ շատերդ իմ չափով չեք կարող տիրապետել այդ ներքին փաստերին՝ շատ հայտնի պատճառով։ Օրինակ՝ բացի ինձանից, ընդամենը երեք-չորս անձ գիտեն, թե ընդդիմադիր Նիկոլն ինչպես հայտնվեց 2016 թվականի հուլիսին ՊՊԾ գնդի գրավման արդյունքում հավաքված ցուցարարների դիմաց, ինչու կամ ինչպես փորձեց ապարդյուն կերպով ստանձնել ցույցերի ղեկավարումը և այլն։

Դուք այս պահին գործեք միայն նրան հեռացնելու մարտավարությամբ։ Ոչինչ չտվող, անիմաստ, իշխանության ձգտելու, դրա համար մրցակցության ողջամիտ կասկած հարուցող այդ զրույցների, բանավեճերի վե՛րջը տվեք, քանի որ դրանով ի վերջո ավելի շատ նպաստելու եք օրվա իշխանության հերթական վերարտադրությանը»։