ՊՆ-ն պետք է վճարի, որպեսզի ծառայեն, այլ ոչ թե՝ ով փող ունի, թող չծառայի․ Նիկողոս Հովհաննիսյան

«Հայաստան» դաշինքի անդամ Նիկողոս Հովհաննիսյանի ֆեյսբուքյան գրառումը․ «Սոցիալական բունտ, աղքատների բանակ, կամ՝ բանակի վերացում։

Նախ սկսենք նրանից, որ չի՛ կարող մեր տարածաշրջանում ու էս պայմաններում՝ բանակը լինի փողով կամ ընդհանրապես բանակ չունենալ։ Այս նախագիծը սպառնում է նաև բանակի իսպառ վերացում։ Մարդիկ ամեն ինչ կանեն՝ վարկ, տոկոս, պարտք ու արտերկրյա աշխատանք, որ իրենց տղաներին ազատեն բանակից, ովքեր չեն անի՝ կամ աղքատ են, կամ հայրենասեր։ «Կրթված զույգը»՝ սոցիալական հավասարության և համերաշխության փոխարեն, բերեց սոցիալական անհավասարություն, տարանջատում և քաոս։ Առանց այն էլ, սոցիալապես ծանր և գրեթե միջին խավ չունեցող երկրում, ավելի է խորացել՝ փող ունեցողի հանդեպ ատելությունը ու մաղձը, հիմա՝ այն հասնում է իր գագաթնակետին, որն էլ հասցնելու է բունտի։

Ըստ իս, եթե պետք է լուծվի բանակը համալրելու հարցը և շահագրգռել ծառայել բանակում, ապա ՊՆ պետք է վճարի, որպեսզի ծառայեն, այլ ոչ թե՝ ով փող ունի թող չծառայի»։