ՌԴ ԱԳՆ-ն կոշտ արձագանքել է Ադրբեջանի մեղադրանքներին՝ «Ռուսաստանը մարդկանց բաժանում է ըստ սորտերի»
Ռուսաստանի արտաքին գործերի նախարարության ներկայացուցիչ Մարիա Զախարովան կոշտ արձագանքել է ադրբեջանական պետական AzTV հեռուստաալիքի հաղորդավարի հայտարարությանը, թե իբր Մոսկվան մշտապես իշխել է այլ ազգերի վրա և մարդկանց վերաբերվել է ըստ «սորտերի»։
«Սա ամենանողկալի սուտն է։ Մեր երկրում երբեք քաղաքական մակարդակով մարդկանց չեն դասակարգել ըստ սորտերի։ Ընդհակառակը՝ Ռուսաստանը միշտ պայքարել է նման մոտեցումների դեմ», — հայտարարել է Զախարովան։
Նա ընդգծել է, որ նման մեղադրանքներն ավելի բնութագրական են այն պետությունների համար, որոնք պատմության ընթացքում զբաղվել են սեգրեգացիայով, գաղութատիրությամբ և ստրկավաճառությամբ՝ օրինակ բերելով Մեծ Բրիտանիան։ Զախարովան նաև հույս է հայտնել, որ նման արտահայտությունները կամ կոնտեքստից կտրված են, կամ ժամանակավոր քաղաքական պատվեր։
Ավելի վաղ դիվանագետը զգուշացրել էր ՌԴ քաղաքացիներին, ովքեր այցելում են Ադրբեջան, որ հաշվի առնեն տարածաշրջանում ստեղծված լարված իրավիճակը։
ՈՒՂԻՂ ԵԹԵՐ
Ամենադիտված 
RT-ի գլխավոր խմբագիր Մարգարիտա Սիմոնյանը հայտարարել է իր հիվանդության պատճառը
