Ալիևը միշտ եղել և մնում է մեր թշնամին․ ռուս փորձագետ

Ադրբեջանը մեր հավանական ռազմական հակառակորդն է։ Այս մասին Telegram-ում գրել է ռուս ռազմական փորձագետ Իգոր Ստրելկովը։

«Այն, որ Ադրբեջանի թիկունքում կանգնած է, բնականաբար, Թուրքիան, որն Ադրբեջանին օգտագործում է որպես «բակային շուն», պարզ է։ Այն, որ Ռուսաստանից ամենևին չեն վախենում և չեն հարգում արդեն այնպիսի հարևանները, ինչպիսին Ադրբեջան անունով միանգամայն արհեստական պետությունն է, դա նույնպես բնական է։ Հիմա, երբ Իրանը թուլացել է ամերիկա-իսրայելական հարվածներից և հազիվ թե կարողանա ճնշում գործադրել Ադրբեջանի վրա, Ադրբեջանը փաստացի հանդես է գալիս որպես սադրիչ՝ հասկանալով, որ Ռուսաստանի համար չափազանց դժվար է լինելու նրան «իր տեղը դնել», քանի դեռ մեր բոլոր ռազմական ուժերը գտնվում են Արևմտյան ճակատում։

Լկտիությունը, հարաբերությունները փչացնելը և, փաստորեն, Ռուսաստանի հակառակորդների ջրաղացին ջուր լցնելը այն է, ինչ նրանք անելու են մոտ ապագայում, ընդ որում՝ ավելի ու ավելի։ Ամեն դեպքում, մենք պետք է հասկանանք՝ Ադրբեջանը մեր հավանական ռազմական հակառակորդն է, իսկ Ալիևը միշտ եղել և մնում է մեր թշնամին, քանի որ նա Թուրքիայի դաշնակիցն է, Իսկ Թուրքիայի հետ մենք՝ դեռևս քողարկված, թշնամաբար ենք տրամադրված», - գրել է նա։