Ինչ են քննարկել Պուտինն ու Թրամփը․ նոր մանրամասներ

Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը հինգշաբթի օրը հեռախոսազրույցի ժամանակ մանրամասն քննարկել են Իրանի և ընդհանրապես Մերձավոր Արևելքի շուրջ ստեղծված իրավիճակը, լրագրողներին հայտնել է Ռուսաստանի նախագահի օգնական Յուրի Ուշակովը։

Նրա խոսքով՝ «ռուսական կողմը շեշտել է վիճելի հարցերի, անհամաձայնությունների և կոնֆլիկտային իրավիճակների բացառապես քաղաքական և դիվանագիտական ​​միջոցներով լուծման կարևորությունը»։

Զրույցի ընթացքում նախագահները անդրադարձել են նաև Սիրիայում տեղի ունեցող վերջին զարգացումներին։ «Եվ այս ոլորտում ռուսական և ամերիկյան կողմերը կշարունակեն երկխոսությունը», - ասել է Ուշակովը։