ԵՄ-ն Սլովակիային առաջարկել է գազային երաշխիքներ՝ Ռուսաստանի դեմ պատժամիջոցներին աջակցություն ստանալու համար

Եվրահանձնաժողովը խոստացել է աշխատել Սլովակիայի մտահոգությունները փարատելու ուղղությամբ՝ կապված ԵՄ-ի՝ ռուսական գազից մինչև 2028 թվականը հրաժարվելու ծրագրի հետ։ Այդ մասին հաղորդում է Reuters-ը՝ հղում տալով ԵՄ ղեկավար Ուրսուլա ֆոն դեր Լյայենի՝ Սլովակիայի վարչապետ Ռոբերտ Ֆիցոյին ուղարկված նամակին։

Սլովակիան առայժմ արգելափակում է Ռուսաստանի դեմ 18-րդ պատժամիջոցների փաթեթը, քանի որ երկրի մասնագետները զգուշացնում են՝ «Գազպրոմից» հրաժարումը կարող է հանգեցնել վառելիքի պակասի, գների աճի և հնարավոր դատական գործընթացների։

Բրյուսելում առաջարկել են նախատեսել արտակարգ դադար մատակարարման սահմանափակումների դեպքում, ինչպես նաև պատրաստակամություն հայտնել միջամտել՝ եթե «Գազպրոմը» դիմի դատարան։ Եվրոպան նաև կքննարկի սահմանի մաքսատուրքերի մեղմացումը՝ Սլովակիայի համար։