Կանադայի հետ դժվար կլինի համաձայնության գալ․ Թրամփ
ԱՄՆ
Կանադայի կողմից Պաղեստինի ճանաչումը շատ ավելի կդժվարացնի առևտրային համաձայնագրի կնքումը։ Այս մասին իր Truth Social էջում ասել է ԱՄՆ նախագահ Դոնալդ Թրամփը։
«Ահա թե ինչ։ Կանադան հենց նոր հայտարարեց, որ կճանաչի Պաղեստինը։ Դա շատ ավելի կդժվարացնի նրանց հետ առևտրային համաձայնագրի կնքումը», - ասել է նա։
Դրանից կարճ ժամանակ առաջ Կանադայի վարչապետ Մարկ Քարնին հայտարարել էր, որ երկիրը պլանավորում է ճանաչել Պաղեստին պետությունը սեպտեմբերին կայանալիք ՄԱԿ-ի Գլխավոր ասամբլեայում։
Նա ասել է, որ սա հիմնված է Պաղեստինի ինքնավարության կողմից անհրաժեշտ բարեփոխումների իրականացման հանձնառության վրա, այդ թվում՝ նախագահ Մահմուդ Աբբասի՝ կառավարման համակարգը բարեփոխելու, պետության ապառազմականացման և 2026 թվականին ընտրություններ անցկացնելու հանձնառության վրա, որոնց ՀԱՄԱՍ-ը չի կարողանա մասնակցել։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
