Թրամփը հայտարարել է Հարավային Կորեայի հետ առևտրային համաձայնագրի մասին

ԱՄՆ նախագահ Դոնալդ Թրամփը հայտարարել է Հարավային Կորեայի հետ առևտրային համաձայնագրի կնքման մասին: Նա համաձայնագրի մասին հրապարակում է արել իր Truth Social սոցիալական ցանցում։

Գործարքի կնքումից հետո Հարավային Կորեայից ներմուծվող ապրանքները ԱՄՆ-ում կենթարկվեն 15% մաքսատուրքերի: Հուլիսի 7-ին հայտարարված մաքսատուրքերի 25%-ից մինչև 15% կրճատման դիմաց Հարավային Կորեան ԱՄՆ տնտեսությունում կներդնի 350 միլիարդ դոլար և ԱՄՆ-ից կգնի 100 միլիարդ դոլարի էներգետիկ արտադրանք։

Հաջորդ երկու շաբաթվա ընթացքում Թրամփը կժամանի Սեուլ, որտեղ կհանդիպի Հարավային Կորեայի նախագահ Լի Չժե Մյունգի հետ: Այդ ժամանակ կողմերը կհամաձայնեցնեն համաձայնագրի վերջնական դրույթները։

Դեռևս ապրիլին Հարավային Կորեայի նախագահի պաշտոնակատար Հան Դեոկ Սուն հայտարարել էր, որ Հարավային Կորեան չի կարողանա դիմակայել Թրամփի մաքսատուրքերին ԱՄՆ-ի առջև ունեցած պարտքի պատճառով: Նրա խոսքով՝ Հարավային Կորեայի արդյունաբերական հզորությունը, ֆինանսական զարգացումը, մշակույթը, տնտեսական աճը և հարստությունը մեծապես կախված են ԱՄՆ օգնությունից։