Լուկաշենկոն առաջարկել է Արևմուտքին տեղափոխել Բելառուսի բանտարկյալներին

Բելառուսի նախագահ Ալեքսանդր Լուկաշենկոն հայտնել է, որ Արևմտյան երկրների հետ բանակցությունների ընթացքում առաջարկել է նրանց վերցնել հազարավոր դատապարտյալներ Բելառուսի տարածքից։ Նրա խոսքով՝ առաջարկն ընդգրկել է տարբեր հանցագործությունների համար դատապարտված մի քանի հազար անձանց, սակայն արևմտյան գործընկերները մերժել են նախաձեռնությունը։

«Վերջին անգամ ասացի՝ ուզում եք, էս մարդկանց էլ կտանք։ Ասացին՝ ոչ, սրանց չենք ուզում, սրանք՝ ոչ, ուրիշներ ենք ուզում», — նշել է Լուկաշենկոն՝ հիշելով բանակցությունների մանրամասները։ Նրա հայտարարությունն արձանագրել է պետական ԲԵԼՏԱ գործակալությունը։

Ավելի վաղ Լուկաշենկոն կոչ էր արել Բելառուսի պաշտոնյաներին և դիվանագետներին պատրաստվել ռազմական մոբիլիզացիայի՝ ընդգծելով, որ երկիրը, թեև խաղաղ է, սակայն գտնվում է չափազանց բարդ վիճակում։