Շատ եմ մտածել, չեմ հասկացել, թե կուսակրոնությունն ինչ կապ ունի երկրի անվտանգության հետ, չեմ գտել այդ կապը. Ռոբերտ Քոչարյան

Կարմիր գծեր կան, որ այս իշխանությունը հեշտությամբ է հատել, «5-րդ ալիք»-ին տված հարցազրույցում ասել է ՀՀ 2-րդ նախագահ Ռոբերտ Քոչարյանը։

Մենք չպետք է պարտվեինք, Ադրբեջանն այդ առավելությունը չուներ, վստահաբար եմ Ձեզ ասում: Փաշինյանը բանակը բարելավելու կարգախոսների տակ, քանդեց բանակը, հիմա ինքը նույնը անում է եկեղեցու հետ»,- ասել է նա։

Նախկին նախագահը նշել է, որ շատ է մտածել, բայց չի հասկացել, թե կուսակրոնությունն ինչ կապ ունի երկրի անվտանգության հետ․ «Չեմ գտել այդ կապը, Նիկոլ Փաշինյանը գտնում է այդ կապը»,- ասել է նա։

Քոչարյանի խոսքով՝  դատախազությունն այսօր քարոզչամեքենա է ՔՊ-ի համար։

ՀՀ 2-րդ նախագահը չի կարծում, որ Նիկոլ Փաշինյանին արտաքին աշխարհում որևէ լուրջ մարդ կարող է շարունակել վստահել. «Չեն վստահում, բայց բարեհաջող օգտագործում են»։