Apple-ի եկամուտը թռիչք է ապրել՝ չնայած սակագներին և AI ճնշմանը

Apple ընկերության բաժնետոմսերը բարձրացել են 2%-ով նախաբորսայական առևտրում, երբ վերջին եռամսյակի արդյունքները գերազանցել են Վոլ Սթրիթի կանխատեսումները։ iPhone-ի վաճառքի կտրուկ աճը նպաստել է 2021-ից ի վեր ամենաարագ եկամուտին։ Ընկերությունը հայտարարել է, որ այս եռամսյակում սպասում է 5-9% աճ՝ զգալիորեն գերազանցելով վերլուծաբանների 3.27% գնահատականը։

Չնայած ԱՄՆ-ի սակագնային ճնշումներին՝ Apple-ը շարունակում է արտադրությունը տեղափոխել Հնդկաստան և Վիետնամ՝ պահպանելով սակագնային արտոնությունները։ Ընկերության ղեկավար Թիմ Քուքը զգուշացրել է, որ ընթացիկ եռամսյակում սակագները կարող են Apple-ին արժենալ մինչև $1.1 միլիարդ, այն դեպքում, երբ նախորդ եռամսյակում կորուստը կազմել է $800 միլիոն։

Apple-ը միաժամանակ պայքարում է կոշտ մրցակցության դեմ՝ Samsung-ի և Alphabet-ի (Google) կողմից, որոնք արագ կերպով ներդնում են արհեստական բանականություն իրենց համակարգերում։ Թեև Apple-ը հետ է մնացել «Հրաշալի Յոթնյակից»՝ բաժնետոմսերի 17% անկմամբ, Քուքը վստահ է, որ AI ներդրումների աճը թույլ կտա վերադառնալ առաջատար դիրքերին։ «Apple-ի նկատմամբ հավատարմությունն ընկերությանը ժամանակ է տալիս ճիշտ մտնել AI դարաշրջան, բայց ժամանակը սեղմում է», — նշել է վերլուծաբան Մեթ Բրիցմանը, գրում է Reuters-ը։