Թրամփը ճնշում է դեղարտադրողներին՝ պահանջելով կտրուկ իջեցնել ԱՄՆ դեղերի գները

ԱՄՆ նախագահ Դոնալդ Թրամփը նամակներ է ուղարկել 17 խոշոր դեղարտադրող ընկերությունների ղեկավարներին՝ պահանջելով, որ նրանք դեղերի գները ԱՄՆ-ում իջեցնեն՝ համապատասխանեցնելով օտարերկրյա շուկաներում գործող գներին։ Սպիտակ տունը հայտարարել է, որ ընկերություններին ժամանակ է տրվել մինչև սեպտեմբերի 29-ը՝ պարտադիր համաձայնությամբ արձագանքելու համար։

Թրամփը պահանջել է, որ բոլոր նոր դեղամիջոցները և պետական ապահովագրությամբ (Medicaid) ընդգրկված անձանց հասանելի դեղերն առաջարկվեն ըստ «ամենաարդյունավետ գնային ռեժիմի»՝ այսինքն՝ այն նվազագույն գինը, որ վճարում են ՕԷԿՃ անդամ երկրները։ Նա նաև պահանջել է, որ դեղարտադրողներն այլ երկրներում գների բարձրացմամբ ստացած շահույթը վերադարձնեն ամերիկյան հիվանդներին՝ կառավարության հետ հատուկ համաձայնագրի միջոցով։

Թրամփի քայլերը հանգեցրել են ֆարմացևտիկ շուկայի անկմանը՝ Pfizer, Eli Lilly և Gilead բաժնետոմսերը նվազել են մոտ 2%-ով, իսկ NYSE դեղագործական ինդեքսը՝ 3%-ով։ Չնայած այս ճնշմանը, վերլուծաբանները թերահավատ են, որ դեղարտադրողները կհամաձայնեն նման կտրուկ փոփոխությունների՝ նշելով, որ նման քայլերը կարող են վտանգել դեղորայքի նորարարական զարգացումը։