Թրամփը 200 միլիոն դոլարով կառուցում է պարահանդեսային սրահ Սպիտակ տանը

ԱՄՆ նախագահ Դոնալդ Թրամփը հայտարարել է, որ պատրաստվում է վերակառուցել Սպիտակ տունը՝ նրա արևելյան թևին կցելով նոր պարահանդեսային սրահ։ NBC News-ի տվյալներով՝ նախագծի արժեքը կկազմի 200 միլիոն դոլար, որը Թրամփը խոստացել է վճարել սեփական միջոցներով՝ անվանելով այն «նվեր պետությանը»։

Նոր սրահը կունենա շուրջ 8,360 քմ տարածք և կփոխարինի ներկա ժամանակավոր տաղավարներին, որտեղ այսօր հյուրերը պատսպարվում են միջոցառումների ժամանակ։ Թրամփը նշել է, որ ձյան կամ անձրևի դեպքում հյուրերին «անհնար է պահել տենտերի տակ», ուստի հարկավոր է մշտական, շքեղ տարածք։ Վերակառուցումը կդառնա ամենախոշորն Սպիտակ տանը՝ Տրումանի օրոք (1945–1953) իրականացված փոփոխություններից հետո։

Նախագահը հավելել է, որ նախագծի վրա աշխատում են «ամենամեծ ճարտարապետները», սակայն անուններ չի հրապարակել։ Ավելի վաղ Թրամփը փակ նիստից հետո խախտել էր արարողակարգը՝ 15 րոպե պատմելով Սպիտակ տան նոր դիզայնի մասին և անցկացնելով անհատական շրջայց։