Ութոտնուկը հարձակվել է 6-ամյա տղայի վրա՝ ինտերակտիվ ցուցադրության ժամանակ

ԱՄՆ-ում ինտերակտիվ ցուցադրության ժամանակ հսկա ութոտնուկը հարձակվել է 6-ամյա երեխայի վրա՝ նրա ամբողջ ձեռքը ծածկելով մուգ մանուշակագույն նշաններով։ Ինչպես հաղորդում է KSAT-ը, դեպքը տեղի է ունեցել հուլիսի 14-ին, երբ փոքրիկ Լեոն ձեռքը տեղադրել է ակվարիումի մեջ։

Մայրը՝ Բրիտնի Թարինը, պատմել է, որ օվկիանարիմը նրանց սիրելի վայրերից է, իսկ որդին՝ մեծ սիրով հետևում է հատկապես ութոտնուկներին։ Սակայն այդ օրը կենդանին հանկարծակի կպել է երեխայի ձեռքին։ Չնայած սկզբում աշխատակիցները կատակել են՝ ասելով, թե ութոտնուկն «շատ խաղամոլ» է, հանելը տևել է մոտ հինգ րոպե՝ երեք աշխատակցի ու մոր օգնությամբ։

Թարինը բողոք է ներկայացրել ԱՄՆ Գյուղատնտեսության նախարարություն՝ նշելով, որ անվտանգության աշխատակիցը տեղում չի եղել, ինչը խախտում է կանոնները։ Նա պահանջել է մեկուսացնել ութոտնուկին՝ այլ դեպքերից խուսափելու համար։ Մի քանի օր անց օվկիանարիմը TikTok-ում հրապարակել է ութոտնուկ Կթուլհուի տեսանյութը՝ պնդելով, որ նրա կպչունքներ թողնում են միայն անցողիկ, անվնաս հետքեր։