iPhone 16-ը գերազանցել է iPhone 15-ի պահանջարկը․ Apple-ը արձանագրել է ռեկորդային աճ

Apple ընկերության ղեկավար Թիմ Կուկը հայտարարել է, որ iPhone 16 մոդելի վաճառքը զգալիորեն գերազանցել է նախորդ տարվա iPhone 15-ի ցուցանիշները՝ ապահովելով 13% աճ ընկերության ընդհանուր վաճառքներում։ CNBC-ին տված հարցազրույցում Կուկը նշել է, որ նոր շարքն արդեն ապահովել է $44.58 միլիարդ եկամուտ՝ դառնալով հիմնական շարժիչը եռամսյակային աճի։

Ըստ Կուկի, ընդհանուր եկամուտը կազմել է $94 միլիարդ, որից $8.05 միլիարդ ապահովվել է համակարգիչների, $6.58 միլիարդ՝ պլանշետների, իսկ $27.42 միլիարդ՝ հավելյալ ծառայությունների ու աքսեսուարների հաշվին։ Նա շեշտել է՝ «այս եռամսյակը բացառիկ էր բոլոր չափանիշներով»։

Չինաստանում վաճառքը ևս աճել է 4 տոկոսով՝ հասնելով $15.37 միլիարդի, ինչը Կուկը մասամբ կապել է պետական սուբսիդիաների հետ։ Նա հավելել է, որ Apple-ը մեծ ներդրումներ է անում արհեստական ինտելեկտի զարգացման մեջ, սակայն ընդգծել է՝ AI-ը երբեք չի փոխարինի iPhone-ը, այլ կդառնա դրա բնական շարունակությունը։ Ընկերությունը նաև հայտնել է իր պատմության 3 միլիարդերորդ iPhone-ի վաճառքի մասին։