Թրամփը պահանջել է փոխել ԱՄՆ դաշնային պահուստային համակարգի ղեկավարությանը

ԱՄՆ նախագահ Դոնալդ Թրամփը կոչ է արել Դաշնային պահուստային համակարգի (ՖՐՍ) կառավարման խորհրդին փոխել ղեկավարության կազմը, եթե Ջերոմ Փաուելն անհապաղ չնվազեցնի տոկոսադրույքները։ Truth Social-ում կատարած գրառմամբ Թրամփը կրկին քննադատել է Փաուելին՝ նրան անվանելով «համառ ապուշ»։

Թրամփը պնդում է, որ եթե ՖՐՍ-ն չանցնի մեղմ դրամավարկային քաղաքականության, ապա ԱՄՆ տնտեսությունը կդանդաղի։ Նրա խոսքով՝ անհրաժեշտ է, որ կառավարման խորհուրդը վերահսկողությունը վերցնի իր վրա և կատարի այն քայլերը, որոնք, ըստ նրա, «հասարակությանը վաղուց են հայտնի»։

Փաուելը, իր հերթին, ավելի վաղ նախազգուշացրել էր, որ Թրամփի մաքսատուրքային քաղաքականությունը կարող է գների աճի և աշխատաշուկայի թուլացման պատճառ դառնալ՝ խոչընդոտելով երկուսի տոկոսի գնաճային թիրախին հասնելը։ Չնայած Թրամփը հերքել է Փաուելին վաղաժամ հեռացնելու մտադրությունը, մամուլում շրջանառվում են ենթադրություններ, որ ՖՐՍ շենքերի թանկարժեք վերանորոգումը կարող է դառնալ պաշտոնանկության առիթ։