Euromedia24–ի տեղեկությունները հաստատվեցին՝ Սարիկ Մինասյանը նշանակվեց ՀԷՑ-ի Շիրակի մարզային կառույցի տնօրեն
Սարիկ Մինասյանը նշանակվել է ՀԷՑ-ի Շիրակի մարզային կառույցի տնօրեն։ Այս մասին նա հայտնել է Ֆեյսբուքի իր էջում։
«Այսօրվանից ստանձնելու եմ ՀԷՑ-ի Շիրակի մարզային կառույցի տնօրենի պաշտոնը:
Ինչպես ինձ վստահված բոլոր պաշտոններում, այստեղ ևս ծառայելու եմ երկրիս՝ ի շահ մեր պետականությանը, ի շահ Հայաստանի Հանրապետությանը:
Մեր երկրի էներգետիկ ոլորտը, որը ռազմավարական նշանակություն ունի, պետք է ամրապնդվի, ուղղի մեջքն ու իրական զարգացման ճանապարհին կանգնի:
Մեծ պատիվ եմ համարում իմ ներդրումն ունենալ ոլորտի կայունացման գործընթացում:
Վստահ եմ՝ սպառողը կարճ ժամանակ անց զգալու է այն դրական փոփոխությունները, որոնց հասնելու ենք»,– գրել է Մինասյանը:
Հիշեցնենք՝ Euromedia24.com-ը հայտնել էր, որ «Հայաստանի էլեկտրական ցանցեր» ընկերության ժամանակավոր կառավարիչ նշանակված Ռոմանոս Պետրոսյանն աշխատանքից ազատել է ընկերության Շիրակի մարզի «Ղարս» մասնաճյուղի տնօրեն Գագիկ Ֆարզադյանին։
Լրատվամիջոցը գրել էր, որ ՀԷՑ-ի Շիրակի մասնաճյուղի նոր տնօրեն են ուզում նշանակել Գյումրու ՔՊ-ական ավագանու անդամ Սարիկ Մինասյանին։
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
