Intel-ում վերադասափոխումներ. երեք բարձրաստիճան ղեկավարներ հեռանում են արտադրական ճգնաժամի ֆոնին

Intel կորպորացիայում սկսվել են կադրային խոշոր փոփոխություններ․ երեք բարձրաստիճան ղեկավարներ պատրաստվում են հեռանալ, հայտնում է Reuters-ը։ Թոշակի են անցնում տեխնոլոգիական զարգացման խմբի փոխնախագահներ Կայզադ Միսթրին և Ռայան Ռասելը, ինչպես նաև Gary Patton-ը՝ Design Technology Platform ստորաբաժանման փոխնախագահը, ով նախկինում աշխատել է IBM-ում։

Փոփոխությունները նախաձեռնել է նորանշանակ գործադիր տնօրեն Լիպ-Բու Թանը, որը մարտ ամսից ղեկավարում է ճգնաժամի մեջ հայտնված ամերիկյան չիպարտադրողը։ Ըստ աղբյուրների՝ ընկերությունը կրճատում է արտադրական հնարավորությունների պլանավորման թիմը և մի շարք ինժեներական աշխատատեղեր։

Intel-ը նաև մտադիր է վերանայել իր արտադրական ներդրումները։ Թանը նշել է, որ հաջորդ սերնդի՝ 14A տեխնոլոգիայի զարգացումը կշարունակվի միայն այն դեպքում, եթե ապահովվեն խոշոր պատվերներ։ Իսկ 18A տեխնոլոգիան, որը նախատեսված է ներկին արտադրանքի համար, հնարավոր է դադարեցվի արտաքին հաճախորդների համար՝ ֆոկուսը կենտրոնացնելով 14A-ի վրա։ Մինչև տարեվերջ ընկերությունը նպատակ ունի կրճատել աշխատակիցների թիվը մոտ 22 տոկոսով՝ հասցնելով այն 75,000-ի, հայտնում է Reuters-ը։