Ամերիկացի բժիշկը բացահայտել է աստղերի երիտասարդության գաղտնիքը

Ամերիկացի մաշկաբան Սոնյա Բադրեշիան Daily Mail-ին հայտնել է, որ շոու բիզնեսի աստղերի շրջանում լայն տարածում է գտել «baby facelift» կոչվող ոչ ինվազիվ դիմահարդարական պրոցեդուրան՝ երիտասարդ տեսք ապահովելու համար։

Բժշկի խոսքով՝ այսպես կոչված «մանկական լիվտինգը» ուղղված է դեմքի ներքին հատվածի և վզի ձևափոխմանը՝ առանց լիարժեք վիրահատական միջամտության։ Այն թույլ է տալիս հայտնի մարդկանց արագ վերադառնալ կարմիր գորգի միջոցառումներին՝ նվազագույն վերականգնողական փուլով։

Բադրեշիան նշել է, որ աստղերը սկսում են հրաժարվել ֆիլլերներից, քանի որ «բարձի նման դեմքը» այլևս նորաձև չէ։ Փոխարենը գերակշռում է բնական, թարմ և ձգված արտաքինի միտումը, որը վերականգնում է երիտասարդության համաչափ ու հստակ գծերը։