Boeing-ը հայտնվել է դատարանում՝ անջատված դռան սկանդալի պատճառով

Alaska Airlines ավիաընկերության չորս ուղեկցորդուհիներ դատի են տվել Boeing-ին՝ մեղադրելով այն ֆիզիկական և հոգեբանական վնասի մեջ, որն ստացել են 2024 թվականի հունվարին տեղի ունեցած աղմկահարույց միջադեպի ժամանակ։ Ինչպես հայտնում է The Seattle Times-ը, օդանավի օդաչուները ստիպված էին կատարել արտակարգ վայրէջք, երբ Boeing 737 MAX 9 տիպի ինքնաթիռի դուռը և մի հատված ֆյուզելյաժից պոկվել էին՝ առաջացնելով կաբինայի ապահերմետիկացում։

Միջադեպը տեղի էր ունեցել №1282 չվերթի ժամանակ՝ վեր թռիչքից անմիջապես հետո։ Ըստ հայցվորների՝ այդ պահից իրենց կյանքում ամեն ինչ փոխվել է։ Բորտուղեկցորդուհի Քրիստին Վասկոնսելոսը նշել է. «Այսպես չպետք է լիներ։ Ես ձգտում եմ արդարության, պատասխանատվության ու երկնքում անվտանգություն ապահովելու»։

Ավելի վաղ նույն միջադեպի կապակցությամբ երեք ուղևոր ևս բազմամիլիարդանոց հայց էին ներկայացրել Alaska Airlines-ի և Boeing-ի դեմ։ Boeing 737 MAX 9 տիպի բոլոր ինքնաթիռները ժամանակավորապես դուրս են բերվել շահագործումից, իսկ հետագա ստուգումների ընթացքում մի շարք թերություններ, այդ թվում՝ չամրացված պտուտակներ, հաստատվել են։