Ինչու է Թրամփը ցանկանում պատժամիջոցներ կիրառել Ռուսաստանի առևտրային գործընկերների դեմ. ԶԼՄ

ԱՄՆ նախագահ Դոնալդ Թրամփը պատժամիջոցներն ու մաքսատուրքերը օգտագործում է՝ որպես լծակ Ռուսաստանի վրա՝ մինչև օգոստոսի 8-ը Ուկրաինայում հրադադարի հասնելու համար, հաղորդում է Strana.ua-ն՝ հղում անելով ՆԱՏՕ-ում Վաշինգտոնի մշտական ներկայացուցիչ Մեթյու Ուիթաքերին։

Նա վստահություն է հայտնել, որ Մոսկվայի հետ առևտուր անող պետությունների դեմ երկրորդական պատժամիջոցների և մաքսատուրքերի սահմանումը պետք է զրկի նրան հիմնական տնտեսական գործընկերներից։

«Ռուսաստանը չի ունենա ընկերներ, առևտրային գործընկերներ, և պատերազմը ֆինանսավորելու նրա կարողությունը կդադարի», - նշել է Ուիթաքերը։