ԱՄՆ ռազմական բյուջեի նախագծով առաջարկվում է ստուգել Apple-ի չինական մատակարարին՝ ռազմական կապերի կասկածով

ԱՄՆ ռազմական բյուջեի նախագծում ներառվել է դրույթ, որով Պենտագոնին առաջարկվում է ուսումնասիրել՝ արդյոք Apple-ի էկրանների չինական մատակարար BOE Technology Group-ն ունի կապեր Չինաստանի ռազմական արդյունաբերության հետ։ Եթե ընկերությունը ներառվի «չինական ռազմական ընկերությունների» ցանկում, ապագայում այն կզրկվի ԱՄՆ զինված ուժերի մատակարարման հնարավորությունից։

BOE-ն ներառված է Apple-ի պաշտոնական մատակարարների ցուցակում։ ԱՄՆ վերլուծաբան Կրեյգ Սինգլթոնը նշում է, որ Պեկինը միլիարդավոր դոլարների սուբսիդիաներ է տրամադրել BOE-ի նման ընկերություններին՝ գլոբալ շուկայում առաջատար դառնալու նպատակով, ինչը վտանգ է ստեղծում ԱՄՆ ռազմական և առևտրային մատակարարման շղթաների համար։

BOE-ն և Apple-ը հրաժարվել են մեկնաբանություններից։ Սակայն BOE-ի պատվերով կատարված անկախ հետազոտության համաձայն՝ էկրանների շուկան շարունակում է մնալ մրցակցային, իսկ Չինաստանի արտադրողները «չեն ներկայացնում շղթայական ռիսկ»։ Օրինագիծն ակնկալվում է ընդունել տարեվերջին, քանի որ այն ապահովում է ԱՄՆ ռազմական ֆինանսավորումը, գրում է Reuters-ը։