ԵՄ դատարանը չեղարկել է Իտալիայի՝ Ալբանիայում միգրանտների կենտրոններ ստեղծելու ծրագիրը

Եվրոպական Միության բարձրագույն դատարանը հակասահմանադրական է ճանաչել Իտալիայի նախաձեռնությունը՝ միգրանտներին տեղափոխելու Ալբանիա և այնտեղ արագ մերժելու նրանց ապաստանի դիմումները։ Սա հարված է վարչապետ Ջորջիա Մելոնիի ներգաղթի խստացված քաղաքականությանը, որը նախատեսում էր «անվտանգ երկրների» հիմքով արագ վերադարձի սխեմա։

Իտալիայի կառավարության հայտարարության մեջ դատարանի որոշումը կոչվել է «զարմանալի» և գնահատվել որպես միջոց, որը «թուլացնում է ապօրինի միգրացիայի դեմ պայքարը և ազգային սահմանների պաշտպանությունը»։ Սակայն հայցվոր կողմի փաստաբանը նշել է, որ այս վճիռով ծրագիրը «իրականում ոչնչացված է», գրում է Reuters-ը։

Ալբանիայում կառուցված կալանավորման կենտրոնները ամիսներ շարունակ դատարկ են՝ դատական արգելքների պատճառով։ Բացի այդ, վերջին զեկույցներից մեկի համաձայն՝ այդ կենտրոնների կառուցման ծախսը եղել է յոթ անգամ ավելի, քան նմանատիպ հաստատությունների Իտալիայում։ Չնայած այս ծրագրի ձախողմանը՝ Իտալիան ընդհանուր առմամբ կարողացել է կրճատել ծովային ներգաղթի ծավալը՝ 2023-ի համեմատ գրանցելով գրեթե կրկնակի նվազում։