Բրիտանիայի ԱԳ նախարարը կասկածում է Ուկրաինայի պատերազմը 2025-ին ավարտելու հնարավորության մեջ

Մեծ Բրիտանիայի արտաքին գործերի նախարար Դևիդ Լեմմին հայտարարել է, որ Ուկրաինայի հակամարտության ավարտը 2025 թվականին քիչ հավանական է։ The Guardian-ին տված հարցազրույցում նա նշել է, որ մոտակա ամիսներին հրադադարի շուրջ համաձայնության հասնել չի հաջողվի, և ակտիվ ռազմական գործողությունները շարունակվելու են ամբողջ տարվա ընթացքում։

Լեմմին, սակայն, ընդգծել է, որ կողմերը շարունակելու են բանակցություններ վարել՝ նույնիսկ ռազմական ճակատում կայունացման բացակայության պայմաններում։

Ավելի վաղ The Telegraph պարբերականը հայտնել էր, որ Ուկրաինայի զինուժի՝ Դոնբասի կարևոր հենակետ համարվող Պոկրովսկ քաղաքը պահելու հնարավորությունները նվազում են։ Նշվում է, որ զինվորականների մի մասը փորձում է լքել քաղաքը՝ այլ ուղղություններով տեղափոխվելու համար։