Քնի խանգարումներ և թուլություն․ սրտի աշխատանքի վտանգավոր նշաններ, որոնց պետք է ուշադրություն դարձնել

Քնի խանգարումը, թուլությունը և գլխապտույտը կարող են լինել սրտի աշխատանքի լուրջ խախտումների նախանշան։ «Սկանդինավյան առողջության կենտրոնի» սրտաբան Իվան Եֆրեմկինը նախազգուշացնում է, որ նման ախտանիշները հաճախ անտեսվում են, սակայն դրանք կարող են մատնանշել սրտանոթային հիվանդությունների առկայություն։

Բժշկի խոսքով՝ անքնությունը կարող է և՛ հետևանք լինել, և՛ նպաստող գործոն։ Քնի պակասի հետևանքով ուժեղանում է նյարդային լարվածությունը, բարձրանում է ճնշումը, և մարդը դառնում է ավելի զգայուն ինչպես ֆիզիկական, այնպես էլ հոգեբանական ծանրաբեռնվածության նկատմամբ։

Եֆրեմկինը նաև նշել է, որ սրտի աշխատանքի խանգարումների դեպքում հաճախ հանդիպում են սննդի նկատմամբ ախորժակի կորուստ, սրտխառնոց, վերջույթների այտուցներ և հիշողության վատթարացում։ Այս ամենը պայմանավորված է արյան անբավարար մատակարարմամբ դեպի ուղեղ և մարսողական օրգաններ։

Ավելի վաղ բժիշկները խորհուրդ էին տվել քնի բարելավմամբ և կենսակերպի փոփոխությամբ կանխել սրտի կաթվածի և ինսուլտի վտանգը՝ դեռևս  ախտանիշների ի հայտ գալուց առաջ, հայտնում է Лента.ру-ն։