Զապորոժիեի ԱԷԿ-ում հրդեհ է բռնկվել՝ ուկրաինական հարվածից հետո

Զապորոժիեի ատոմակայանի տարածքում արտակարգ իրավիճակ է առաջացել՝ ուկրաինական զինուժի հրետակոծության հետևանքով։ ԶԱԷԿ-ի պաշտոնական Telegram-ալիքում հաղորդվում է, որ հարվածից հետո կայանում բռնկվել է հրդեհ։

Հաստատվել է մեկ զոհի մասին տեղեկություն, սակայն չի նշվում՝ արդյոք նա եղել է կայանի աշխատակազմից։ ԱԷԿ-ի տվյալներով՝ ռադիացիոն ֆոնը հարվածից հետո մնացել է նորմայի սահմաններում։

ԱԷԿ-ի տնօրեն Յուրի Չեռնիչուկն ավելի վաղ հայտարարել էր, որ Կիևը փորձում է նման հարվածներով հասնել «մեդիատիկ էֆեկտի»՝ իր դիրքերը ուժեղացնելու համար միջազգային բանակցություններում, գրում է Лента.ру-ն։