Նիպահ վիրուսի նոր բռնկում Հնդկաստանի հարավում

Հնդկաստանի Կերալա նահանգում հաստատվել է Նիպահ մահացու վիրուսի չորրորդ դեպքը 2025-ին, որոնցից երկուսը՝ մահվան ելքով։ Բոլոր վարակները գրանցվել են 50 կմ շառավղով փոքր հատվածում, ինչը, ըստ մասնագետների, վկայում է տարածքում վիրուս կրող չղջիկների բարձր ակտիվության մասին։

Նիպահը փոխանցվում է կենդանիներից մարդուն և ունի մինչև 75 տոկոս մահացության ցուցանիշ։ Վարակը առաջացնում է ուղեղի բորբոքում և սուր շնչառական խնդիրներ։ Կերալայում տարածման ուղին հստակեցված չէ, սակայն կասկածվում է՝ մարդիկ կարող են վարակվել վարակված մրգերի կամ օդակաթիլային ճանապարհով։

Իշխանությունները հաստատել են, որ վարակի համաճարակային վերահսկումն ամուր է, և բոլոր դեպքերում վարակը սահմանափակվել է մեկուսացված դեպքերով։ Այս պահին հատուկ բուժում չկա, իսկ փորձնական պատվաստանյութը դեռ փորձարկման փուլում է, հայտնում է Al-Jazeera-ն։