Կինը կոտրել է ողնաշարը՝ փորձելով կրկնել սոցցանցերում տարածված վտանգավոր թրենդը

Եկատերինբուրգում 32-ամյա կինը  կրկնել է սոցցանցերում տարածված մի վտանգավոր մարտահրավեր և դրա հետևանքով կոտրել է կրծքավանդակի ողերից մեկը։ Telegram-ի Shot ալիքի տվյալներով՝ կինն, ով վերջերս է մայրացել, փորձել է կատարել «մեկ սրունքով հավասարակշռման» հայտնի փորձը՝ Նիկի Մինաժի երգի տակ։

Տեսանյութում նա անմիջապես կորցնում է հավասարակշռությունը և ընկնում։ Բժշկական եզրակացությամբ՝ ստացած վնասվածքը պահանջում է առնվազն երեք ամիս բուժում՝ հատուկ կորսետի օգնությամբ։

Ավելի վաղ նմանատիպ դեպք էր գրանցվել Կրասնոդարի երկրամասում, որտեղ դպրոցականը սոցցանցային հնարքի ժամանակ կոտրել էր մեջքը՝ ընկնելով ընկերների ձեռքերի վրա և հարված ստանալով մեջքին։