439 զբոսաշրջիկներ մնացել են օդանավակայանում ինքնթիռի խափանման պատճառով

Եկատերինբուրգի Կոլցովո օդանավակայանում 439 ռուսաստանցի զբոսաշրջիկներ չեն կարողացել մեկնել Վիետնամ՝ «Իկար» ավիաընկերության ինքնաթիռի խափանման պատճառով։ Այս մասին հայտնում է RT-ն։

Ըստ ուղևորներից մեկի, ինքնաթիռը խափանվել է, իսկ փոխարինող բորտը զբաղված է այլ չվերթներով։ Նրանց մի մասը՝ երեխաների հետ, ստիպված է ժամանակավոր բնակարան վարձել՝ թռիչքի սպասելիս։ Կինը նաև պատմել է, որ սկզբում ուղևորներին նստեցրել են օդանավ և պահել այնտեղ մոտ մեկուկես ժամ, ապա վերադարձրել օդանավակայան։ Ըստ նրա՝ ինքնաթիռի վատ տեխնիկական վիճակը նկատելի է եղել նույնիսկ սրահում։

Ընդհանուր առմամբ, բողոքներ են ստացվել չորս չվերթի հետաձգման վերաբերյալ՝ Եկատերինբուրգ–Նյաչանգ, Նյաչանգ–Կազան, Նյաչանգ–Իրկուտսկ և Կամրան–Կազան։ Վիետնամից Կազան վերադարձող ուղևորներին տեղավորել են հյուրանոցներում։

Ուրալի տրանսպորտային դատախազության տվյալներով՝ Եկատերինբուրգ–Նյաչանգ չվերթը պետք է մեկնարկեր օգոստոսի 1-ին՝ ժամը 21:00-ին, սակայն հետաձգվել է 27 ժամով՝ մինչև օգոստոսի 3-ի կեսգիշեր։ 79 ուղևոր արդեն տեղավորվել է հյուրանոցում, ևս 118-ի համար ներկայումս տեղ են որոնում։ Մնացած ուղևորները դեռ չեն ժամանել օդանավակայան։ Կոլցովոյում գործում է դատախազության շարժական ընդունարան։