ՖԻԴԵ-ի տղամարդկանց «թոփ 100»-յակում մնացել է մեկ հայ շախմատիստ

Հայաստանի մեկ ներկայացուցիչ ընդգրկվել է Շախմատի համաշխարհային ֆեդերացիայի (ՖԻԴԵ) թարմացված վարկանիշային «Թոփ 100»-յակի աղյուսակում, որը հրապարակվել է կազմակերպության պաշտոնական կայքում:

Հայ գրոսմայստերներից լավագույն հարյուրյակում է Շանթ Սարգսյանը (2653 միավոր), որը զբաղեցնում է աղյուսակի 68-րդ տեղը:

Կանանց «Թոփ 100» վարկանիշում ներառված են երկու հայ շախմատիստուհիներ՝ Էլինա Դանիելյանը (2405 միավոր) և Լիլիթ Մկրտչյանը (2393 միավոր): Նրանք զբաղեցնում են համապատասխանաբար 37-րդ և 48-րդ տեղերը։