Apple-ը խնդրել է ԱՄՆ-ին չմիջամտել iPhone-ի ստեղծմանը

Apple-ը պատասխանել է ԱՄՆ Արդարադատության նախարարության մեղադրանքներին մենաշնորհ ստեղծելու մասին, հաղորդում է MacRumors-ը ։

2024 թվականի մարտին ԱՄՆ Արդարադատության նախարարությունը հակամենաշնորհային հայց ներկայացրեց Apple-ի դեմ՝ մեղադրելով նրան սմարթֆոնների շուկայի մենաշնորհման մեջ: Մեկուկես տարի անց կորպորացիան նշեց, որ դատական հայցը կարող է վտանգավոր նախադեպ ստեղծել, որը թույլ կտա կառավարությանը թելադրել սմարթֆոնների արտադրողներին, թե ինչ սարքեր պետք է ստեղծեն:

Apple-ը նշել է, որ iPhone-ի և այլ սմարթֆոնների միջև եղած տարբերությունները, որոնք ամերիկյան իշխանություններին դուր չեն գալիս, Apple սարքը տարբերակում են մրցակից ապրանքանիշերի գաջեթներից։ «Դատական հայցը բոլոր ժամանակների ամենահայտնի և նորարարական սպառողական ապրանքներից մեկի դատական վերաձևավորման անհիմն պահանջ է՝ հակամենաշնորհային գործի քողի տակ», - նշել են IT հսկայի ներկայացուցիչները։