Ուիտքոֆի ինքնաթիռը մեկնել է Մոսկվայի Վնուկովոյի օդանավակայանից

ԱՄՆ նախագահ Դոնալդ Թրամփի հատուկ բանագնաց Սթիվ Ուիտքոֆը դուրս է եկել Ռուսաստանից։ Flightradar24 ծառայության տվյալներով՝ նրա Bombardier Global 7500 ինքնաթիռը այսօր կեսօրից հետո թռիչք է կատարել Մոսկվայի Վնուկովո օդանավակայանից։ Վայրէջքի կետը չի հրապարակվել։

Ուիտքոֆն այս տարի արդեն հինգերորդ անգամ է այցելել Ռուսաստան։ Նրա այցի շրջանակում նախ տեղի է ունեցել հանդիպում ՌԴ նախագահի հատուկ ներկայացուցիչ, ՌԴ ուղղակի ներդրումների հիմնադրամի ղեկավար Կիրիլ Դմիտրիևի հետ, իսկ ապա՝ բանակցություններ Վլադիմիր Պուտինի հետ Կրեմլում։ Քննարկման հիմնական թեման եղել է Ուկրաինայի ճգնաժամը և Ռուսաստանի ու ԱՄՆ-ի համագործակցության հեռանկարները։