Լեհաստանում մտահոգություն են հայտնել՝ ռուսական Су-57 կործանիչների ակտիվացման կապակցությամբ

Լեհական Interia պարբերականը հաղորդում է, որ Ռուսաստանի զինված ուժերը սկսել են ավելի հաճախ կիրառել հինգերորդ սերնդի Су-57 կործանիչները Ուկրաինայի ճակատային գծում հարվածներ հասցնելու համար։ Ուկրաինական կողմը, ըստ հոդվածի, դժգոհում է, որ այս ինքնաթիռներից իրականացվող հարձակումները դարձել են և՛ հաճախակի, և՛ մասշտաբային։

Հրապարակման մեջ նշվում է, որ Су-57-ները օգտագործում են նորագույն զինատեսակներ, որոնցից պաշտպանվելը չափազանց դժվար է։ Մայիսին «Ռոսօբորոնէքսպորտ»-ի ներկայացուցիչը հայտնել էր, որ կործանիչը համալրվել է արհեստական բանականությամբ՝ դառնալով «էլեկտրոնային երկրորդ օդաչու»։

Су-57-ը Ռուսաստանի հինգերորդ սերնդի բազմաֆունկցիոնալ ռազմական ինքնաթիռ է՝ նախատեսված բոլոր տեսակի օդային, ցամաքային և ծովային թիրախների ոչնչացման համար։ Այն ունի գերձայնային ընթացիկ արագություն, ռադիոհաղորդումներ կլանող ծածկույթ և ժամանակակից էլեկտրոնային համակարգեր։