Լեգենդար Nokia 3310 հեռախոսը ստացել է 4G աջակցություն

Չինաստանի ամենախոշոր առևտրային հարթակներից մեկում՝ Taobao-ում, վաճառքում հայտնվել են լեգենդար Nokia 3310 հեռախոսի համար նախատեսված մոդիֆիկացված մայրական պլատաներ։ Փոխարինվող այս պլատան հեռախոսին ավելացնում է 4G ցանցերի աջակցություն, հաղորդում է IXBT-ը։

Թարմացված պլատաները համալրված են baseband պրոցեսորով, որն ապահովում է չորրորդ սերնդի ցանցերի (4G) աջակցությունը՝ հնարավորություն տալով օգտագործել սարքը այն շրջաններում, որտեղ բջջային կապի հնացած 2G և 3G ստանդարտները այլևս չեն աջակցվում օպերատորների կողմից։

Մոդեռնիզացված պլատայի արժեքը կազմում է 345 յուան (մոտավորապես 3800 ռուսական ռուբլի), ինչը համարժեք է Չինաստանի շուկայում չափազանց մատչելի սմարթֆոնների գներին։ Սակայն գնորդների կարծիքով՝ այս լուծման հայտնիությունը պայմանավորված է ոչ այնքան ֆունկցիոնալությամբ, որքան լեգենդար սարքի՝ իր բարձր հուսալիությամբ ու երկարակեցությամբ հայտնի, աշխատանքային վիճակում պահպանելու ձգտմամբ։

Բացի այդ, հեռախոսի բնօրինակ տարբերակը հիշվել է օգտագործողների կողմից իր պարզության, ինքնավարության և հայտնի Snake խաղի շնորհիվ, որը դարձել է 2000-ականների թվային մշակույթի մի մասը։

Nokia 3310-ը ֆիննական Nokia ընկերության բջջային հեռախոս է, որը թողարկվել է 2000 թ. աշնանը։ Հեռախոսի արտադրությունը դադարեցվել է 2005 թ. փետրվարին։ Իր ամուր կորպուսի շնորհիվ սարքը դարձել է համացանցային մեմ։

Թարգմանությունը՝