Բացահայտվել է քաղցկեղի ամենաանբուժելի ձևերից մեկի առաջացնող սովորությունը

Ալկոհոլի օգտագործումը մեծացնում է ենթաստամոքսային գեղձի քաղցկեղի զարգացման ռիսկը։ Այս մասին հաղորդում է բրիտանական Daily Mail թերթը՝ հղում անելով Մայամիի գիտնականների ուսումնասիրությանը։

Մասնագետները պարզել են, որ ալկոհոլի կանոնավոր օգտագործումը վնասում է մարսողական ֆերմենտներ արտադրող ենթաստամոքսային գեղձի բջիջներին։ Սա հանգեցնում է բորբոքման, ինչը զգալիորեն մեծացնում է քաղցկեղի ամենաանբուժելի տեսակներից մեկի զարգացման ռիսկը։ Միայն ԱՄՆ-ում և Մեծ Բրիտանիայում ենթաստամոքսային գեղձի քաղցկեղը տարեկան խլում է ավելի քան 60 հազար կյանք։

Օգոստոսի 11-ին SM-Clinic-ի գաստրոէնտերոլոգ, լյարդաբան և բժշկական գիտությունների թեկնածու Նատալյա Վասիլևան հայտնել է, որ մարդու ամենօրյա սննդակարգում ներառված որոշ մթերքներ կարող են զգալիորեն վնասել ենթաստամոքսային գեղձը և հրահրել բորբոքային պրոցեսների զարգացումը։ Դրանց թվում են ալկոհոլային խմիչքները, տրանս ճարպերը և արդյունաբերական եղանակով վերամշակված սննդամթերքը՝ երշիկեղեն, բեկոն, պահածոյացված մթերքներ, ֆրանկֆուրտերներ և ապխտած միս։

Թարգմանությունը՝ Lurer.com-ի