ԵԱՏՄ–ում պետք է ստեղծել արտերկրից ներմուծվող ապրանքների վերահսկման մեխանիզմներ. Միշուստին

ԵԱՏՄ երկրները պետք է շարունակեն վերացնել ապրանքների, ծառայությունների և կապիտալի ազատ տեղաշարժի սահմանափակումները, հայտարարել է Ռուսաստանի վարչապետ Միխայիլ Միշուստինը Եվրասիական միջկառավարական խորհրդի ընդլայնված կազմով նիստի ժամանակ։

«Ինտեգրացիոն մեխանիզմների ամրապնդման ուղղությամբ հետագա համատեղ աշխատանքը մեր բոլոր պետությունների շահերից է բխում։ Անհրաժեշտ է շարունակել վերացնել ապրանքների, ծառայությունների, կապիտալի և աշխատուժի ազատ տեղաշարժի սահմանափակումները։ Բարելավել բիզնես միջավայրը», - ասել է Միշուստինը։

Նա հիշեցրել է, որ միության ՀՆԱ-ն անցյալ տարի աճել է 4,4%-ով։

Միշուստինը նաև նշել է, որ ԵԱՏՄ տարածքում պետք է շարունակել բեռնափոխադրումների փոխադարձ թվայնացումը ինչպես միության ներսում, այնպես էլ բարեկամ երկրների գործընկերների համապատասխան համակարգերի հետ։