Օվերչուկը հաջորդ շաբաթ կժամանի Երևան․ կքննարկվի վաշինգտոնյան հռչակագիրը

Ռուսաստանի փոխվարչապետ Ալեքսեյ Օվերչուկը հաջորդ շաբաթ կժամանի Երևան՝ քննարկելու Եվրասիական տնտեսական միությունում (ԵԱՏՄ) Հայաստանի աշխատանքը։

«Ես հաջորդ շաբաթ կթռչեմ Երևան», - լրագրողներին ասել է նա։ «Ուղևորությունն ինքնին նախապես ծրագրված էր, <...> դա կապված է այն փաստի հետ, որ Հայաստանի Հանրապետության նորմատիվ իրավական կարգավորումներում հայտնվել է նորմատիվ իրավական ակտ՝ Հայաստանի կառավարության որոշում, որը, մեր կարծիքով, հակասում է Եվրասիական տնտեսական միության օրենսդրությանը»։

Օվերչուկի խոսքով՝ այս հարցը կքննարկվի առաջիկա այցի ընթացքում։ «Ապա Վաշինգտոնում տեղի ունեցավ հանդիպում, ստորագրվեց հռչակագիր։ Հետևաբար, հնարավոր է նաև, որ հանդիպում լինի [ՀՀ վարչապետ] Նիկոլ Վովաևիչ Փաշինյանի հետ, որի ընթացքում կքննարկենք որոշակի նրբերանգներ, որոնք հիմնականում կապված են Հարավային Կովկասի տարածաշրջանում հաղորդակցությունների ապաշրջափակման հետ», - հավելել է նա։

Փոխվարչապետը բացատրել է, որ Ռուսաստանին հետաքրքրում են Հարավային Կովկասում իր շահերին վերաբերող հարցերը, այդ թվում՝ երկաթուղային հաղորդակցությունների զարգացումը։