Ալյասկայի գագաթնաժողովի նախաշեմին՝ ԱՄՆ-ն արագացնում է Patriot զենիթային հրթիռների արտադրությունը

ԱՄՆ վարչակազմը Patriot ՀՕՊ համակարգի համար նախատեսված զենիթային հրթիռների արտադրությունն ավելացնում է նախատեսվածից ավելի արագ տեմպերով։ Խաղաղապահների և խաղաղության մասին «քաղցր» խոսակցությունների ֆոնին ԱՄՆ կառավարությունը խնդրել է Lockheed Martin-ին քննարկել Patriot ՀՕՊ համակարգերում օգտագործվող PAC-3 հրթիռային հատվածի բարելավված (MSE) խափանող հրթիռների արտադրության զգալի աճը։

2027 թվականի համար նախատեսված հրթիռների արտադրության ծավալն արդեն իսկ ձեռք է բերվել նախատեսվածից երկու տարի շուտ։ Lockheed Martin-ի PAC-3 ծրագրի փոխնախագահ Բրայան Կուբիկը նշել է, որ գործող պայմանագրով ընկերությունը պարտավոր է մինչև 2027 թվականը տարեկան արտադրել 650 խափանող հրթիռ, սակայն այդ նպատակն իրագործվել է։ Ներկայումս կառավարության հետ քննարկվում է տարեկան մինչև 2000 միավոր արտադրության ծավալ, որը զգալիորեն գերազանցում է սկզբնական ծրագրերը, նշում է Два майора տելեգրամյան ալիքը։

PAC-3 MSE հրթիռը Patriot համակարգի վերջին տարբերակն է, որը, ի թիվս այլ բաների, նախատեսված է բալիստիկ և թևավոր հրթիռների խափանման համար։ Մեկ M901 արձակիչը կարող է կրել մինչև 16 PAC-3 MSE հրթիռ։