Էջմիածնի կենտրոնական հրապարակում իմ ասածը կդառնա անբեկանելի իրողություն․ Փաշինյանը «զգուշացրեց» Գարեգին Բ–ին

Եթե Ամենայն Հայոց Կաթողիկոս Գարեգին Բ–ն որևէ բարոյական և հոգևոր կապ ունենար ժողովրդի հետ՝ կհասկանար, որ ժողովուրդը 2021 թվականի քվեարկությամբ նաև իրեն է մերժել, 5 տարի քարշ գալու պրոցեսը չէր ձեռնարկի՝ ավելի վարկաբեկելով Հայ Առաքելական Եկեղեցին։ Այս մասին լրագրողների հետ զրույցում ասաց ՀՀ վարչապետ Նիկոլ Փաշինյանը՝ նշելով, թե Գարեգին Բ–ն իշխանափոխության կոչ է արել 2020–21 թվականներին։

Անդրադառնալով Եկեղեցուն և Կաթողիկոսին թիրախավորող իր՝ ավելի վաղ արված հայտարարություններին՝ նա նշեց․ «Ինչի՞ ՀՀ քաղաքացիները վարչապետից իմացան այդ ամեն ինչը»։

Փաշինյանը հայտարարեց՝ Վեհարանից կաթողիկոսին հեռացնելու իր ծրագիրն անփոփոխելի է․ «Կարծում եմ՝ ճիշտ կանի Կտրիճ Ներսիսյանը օր առաջ ․․․ ամեն ինչ չհասցնի նրան, որ Էջմիածնի կենտրոնական հրապարակում իմ ասածը դառնա անբեկանելի, անքննելի իրողություն։ Կոչ եմ անում նրան կամավոր այդ որոշումը կայացնել։ Եվ էս շրջանը շատ լավ ու հարմար է, քանի որ իմ օրակարգը ծանրաբեռնված է միջազգային այցերով, բայց այդ կարևոր գործի համար ես ժամանակ կգտնեմ»։

Փաշինյանը նշեց՝ Գարեգին Բ–ն չի կարող այդ որոշումը չկայացնել։